Хрватската пејачка Северина Вучковиќ вчера го прослави 52. роденден, а по тој повод со следбениците на Инстаграм сподели емотивно видео во кое семејството и пријателите ѝ го честитаат роденденот.

„Семејството и пријателите не се нешто што треба да се земе здраво за готово. Тие се таму и во добри и во лоши времиња, иако во добри времиња секој може да биде. Но, јунаците се препознаваат во лошите времиња… Јунаците од ова видео се оние кои ме видоа во сите мои ‘светла’, но тие беа мојата светлина и ѕвездите кон кои требаше да гледам.

Тие ми посакаа само најубави желби во ова видео, но имам една желба за следниот роденден – раскажете ми приказни кога сум била лоша. Животот е разновидност од не само среќни, туку и од лоши, тажни моменти. Тоа го прави животот побогат со сите чувства“, напиша Северина во описот на видеото.

Меѓу другите, Северина доби честитка од син ѝ Александар и мајка ѝ Ана.

„Мамо, среќен роденден. Ти си најдобрата мама на светот и многу те сакам“, ѝ порача син ѝ Александар во видеото.

„Драга моја ќерко, ти посакувам сè најдобро во животот за твојот 52. роденден. Да продолжиме да живееме вака. Ти благодарам за сè што правиш за мене. Ти посакувам да бидеш најсреќната мајка на светот“, рече мајка ѝ Ана.

Пејачката доби честитки и од Матија Вујица, Давор Гргин, Соња Дворник, Филип Милетиќ и многу други.

View this post on Instagram

A post shared by Severina (@severina)