Македонската фудбалска репрезентација ја очекува мартовскиот бараж против Данска за место на Мундијалот, а веќе се познати и термините во кои би ги играле натпреварите доколку обезбедиме пласман.

Според распоредот, првиот дуел против Јужна Кореја би се играл на 12 јуни во Гвадалахара, во раните утрински часови во четири часот по македонско време. Вториот меч на 18 јуни против Јужна Африка е закажан во единствениот „нормален“ термин за европски услови од 18 часот.

Третиот натпревар, против домаќинот Мексико на 25 јуни, повторно би се играл ноќе, овојпат во три часот по полноќ.

Да потсетиме, патот до Мундијалот најпрво води преку дуелот со Данска во Копенхаген, а доколку славиме,  ќе играме финален бараж против победникот од пресметката меѓу Чешка и Ирска.

Преземено од: Спорт.ком.мк