Позитивна вест од Белгија: Вакцината против ковид-19 на „Фајзер“ и на „Бајонтек“ почна да се произведува во Антверпен
Белгија е една од двете места каде што почна да се произведува вакцината против ковид-19 на фармацевтските компании „Фајзер” и „Бајонтех”.
Покрај Антверпен, каде се наоѓа европското седиште на компанијата „Фајзер”, вакцината се произведува и во сојузната американска држава Мичиген.
– Веќе произведовме стотици илјади дози на двете локации, потврди Коен Колперт од белгиската компанија „Фајзер“ за локалните медиуми.
Американски „Фајзер” и германски „Бајонтех”, по прелиминарните анализи во рамки на третата фаза од испитувањето, објавија дека нивниот кандидат за вакцина против коронавирусот има „90 процентна ефикасност”, што беше утврдено „седум дена по примањето на втората доза”.
Вакцината сè уште чека „зелено светло” од здравствените власти, а „Фајзер” и „Бајонтех” најавија дека планираат да испорачаат 1,3 милијарди дози во текот на 2021 година.
Европската комисија е во преговори со овие компании за договор за испорака на 300 милиони дози за земјите-членки.