Повторно заедно: Еве на кој турнир се пријавија Ѓоковиќ, Надал и Федерер
Иако сè уште не е познато дали ќе учествува најдобриот тенисер во светот, Новак Ѓоковиќ, тој се пријави за Мастерсот во Мајами (САД), кој започнува на 24 март.
Србинот ја предводи листата на тенисери, на која се и имињата на неговите најголеми ривали, Рафаел Надал и Рожер Федерер. Така, може да се случи членовите на „големата тројка“ повторно да бидат дел од еден турнир за првпат од „Австралија опен“ во 2020 година.
Првиот светски рекет е пријавен, но тоа не мора да значи ништо, бидејќи тој сè уште може да го откаже учеството.
Ѓоковиќ по завршувањето на турнирот во Мелбурн изјави дека дефинитивно ќе одмори некое време и не можеше да прецизира кој ќе биде неговиот следен турнир, па ќе остане во наредните денови да види дали ќе се појави во Флорида.
Воедно сè уште не е познато дали ќе се игра во „балон“, дали ќе има публика и карантин поради ситуацијата со ковид-19.
Miami Open men's entry list (main draw + alternates), @DartsTennis pic.twitter.com/bu3sQd5vng
— Michal Samulski (@MichalSamulski) February 24, 2021
Изненадувачки, Ѓоковиќ не е меѓу кандидатите за наградата „Лауреус“