„Скај Спорт Италија“ и „АНСА“ известуваат дека преговорите завршиле успешно во четвртокот попладне, а Раниери според договорот треба да заработува плата од 2 милиони евра.

Сампдорија ги започна разговорите со 67-годишниот стратег, откако беа одбиени од поранешниот тренер на Милан, Џенаро Гатузо.

Report: Cladio Ranieri and Sampdoria agree terms – https://t.co/FBktpAnkdd pic.twitter.com/axwHE4RFV4

— LastWordOnSports Inc (@lastwordonsport) October 11, 2019

Тој го наследува Еузебио Ди Франческо втора сезона по ред, претходно тоа го направи во Рома кон крајот на претходната сезона.

Раниери има богата кариера, освен во Италија, ги водеше уште Валенсија, Челзи, репрезентацијата на Грција…

Сампдорија моментно после седум кола во Серија А е на дното на табелата со само три бода. После репрезентативните обврски ќе дебитира на клупата против Рома на 20 октомври.