Португалија, Чешка и Шведска се ривалите на ракометарките
Женската ракометна репрезентација на Македонија во рамите на групата 5 ќе игра против Португалија, Чешка и Шведска во квалификациите за ЕП 2020 кое ќе се игра во Норвешка и Данска.
Според рејтингот, Шведска е главен фаворит за освојување на првото место, додека избраничките на селекторот Симевски заедно со Чешка се очекува да се борат за второто место во групата, а Португалија е аутсајдер.
Квалификациите ќе стартуваат на 25./26. септември оваа година. Првите две најдобри репрезентации од секоја група ќе обезбедат пласман на ЕП, а организаторите Норвешка и Данска имаат директно учество на шампионатот кој ќе се одржи од 4. до 20. декември следната година.
КВАЛИФИКАЦИСКИ ГРУПИ ЗА ПЛАСМАН НА ЕП 2020
Група 1: Победник од квалификации 1, Австрија, Шпанија, Холандија
Група 2: Литванија, Италија, Унгарија, Црна Гора
Група 3: Косово, Белорусија, Словенија, Германија
Група 4: Швајцарија, Словачка, Србија, Русија
Група 5: Португалија, МАКЕДОНИЈА, Чешка, Шведска
Група 6: Исланд, Турција, Хрватска, Франција
Група 7: Фарски Острови, Украина, Полска, Романија