На церемонијата по повод отворањето на обновената париска катедрала Нотр Дам, пет години откако беше опустошена од пожар, присуствуваа бројни гости од целиот свет, како што се Володимир Зеленски, Доналд Трамп и принцот Вилијам, а меѓу нив беше и поранешниот француски претседател Никола Саркози со неговата убава сопруга Карла Бруни.

Во ефектен сив твид капут-фустан, поранешната прва дама на Франција изгледаше сензационално, а оваа елегантна комбинација ја надгради со тесен црн ремен, елегантна кожна чанта, мокасини, шик кожни ракавици и интересен детаљ – чорапи со дезен тантела што му даде на изгледот посебен шармантен шмек.

Брижит Макрон, актуелната прва дама, сопругата на францускиот претседател Емануел Макрон, која е 24 години постара од него, повторно се одлучи за својот омилен моден избор – палто со златни копчиња, донекаде инспирирани од воената естетика. Црното палто, го искомбинирала со кожна чанта од Диор и чевли на високи потпетици.