Естебан Гранеро на кого му се предвидуваше блескава фудбалска иднина, беше еден од најголемите таленти во академијата на Реал Мадрид, од скоро е надвор од фудбалот и неговиот допринос ќе биде запомнет по тоа што го прави на полето на науката во време на пандемија на коронавирусот.

Гранеро кариерата ја започна во младинските категории во Реал Мадрид, а за првиот тим настапуваше од 2009 до 2012 година, потоа играше во Хетафе, Квинс парк ренџерс, Реал Сосиедад, Еспањол, а минатата сезона играше за нисколигашот Марбеља. Покрај фудбалската кариера, Гранеро работеше на образованието, односно студираше психологија на Универзитетот Комплутенсе во Мадрид.

Тој заедно со врвни експерти разви и сè уште го усовршува системот на вештачка интелигенција кој ги предвидува учинокот и можностите на фудбалерите.

Но, со избивањето на пандемијата на коронавирусот, системот е модификуван за да може да се користи во борбата против коронавирусот.