Далечинската работа и нејзината комбинација со повремено патување на работното место влијаеше на многу индустрии – од недвижнини до ресторани, што доведе до зголемување на бројот на вработени кои работат додека патуваат за одмор и задоволство, а времетраењето на патувањата исто така зголемена.

Со оглед на тоа што веќе не мораат да одат на работа секој ден, тие патуваат се повеќе и подолго, но не користат хотелско сместување, туку изнајмуваат станови и куќи на краткорочна основа, комбинирајќи ја работата и слободното време со уживањето. Имињата за овој нов феномен се на англиски јазик „леижр травел“, „лаптоп лагинг“, „воркешнс“, „блендед травел“ и, како и да се нарекува, ја брише традиционалната поделба на патување за одмор и работа, анализира Бета. Услугите за сместување веќе се засегнати од оваа промена на начинот на работа и патување. Бидејќи потребите на патниците кои работат додека се на приватно патување се разликуваат од традиционалните туристи и деловни патници, понудата исто така се менува. Традиционалните услуги за сместување, особено хотелските услуги, се покажаа како недоволни.

Давателите на услуги за краткорочно изнајмување станови, како што е посредничката веб-страница Арбиенби, ја искористија оваа можност. Растот на побарувачката за краткорочни изнајмувања го надмина растот на побарувачката на хотели од првиот квартал на 2022 година, кога бројот на патувања почна да се опоравува од пандемијата, според извештајот од 2023 година на ЕрДНА и СТР/КоСтар, аналитички услуги за угостителска индустрија.
„Се повеќе луѓе бараат да ги претворат своите домови во имоти за краткорочно изнајмување. Потребни се 10 минути пополнување формулар на Интернет за да се појави нова понуда за такво сместување, додека проширувањето на понудата на хотели може да потрае со години, бидејќи тие исто така треба да се изградат“, вели Џејми Лејн, главен економист на ЕрДНА. Ова има длабоки импликации за целата индустрија за сместување.