Полицаецот од Минеаполис, белецот Дерек Шовин, кој, како што може да се види од видео снимката, со колено го давеше и го усмрти Афроамериканецот Џорџ Флојд, префрлен е во максимално обезбеден затвор до првото појавување на суд.

Тој е осомничен за убиство од трет степен и малтретирање, а неговата постапка предизвика протести и насилство ширум САД.

Како што пренесува БиБиСи, тоа е трет затвор во кој е префрлен од кога е уапсен минатиот петок поради спречување на ширење на коронавирусот, но и поради очекуваното влијание на протестите во затворите.

Првото сослушување пред судот е поместено од денешниот датум на 8 јуни, а притоа му е одредена и кауција од половина милион долари.

Како што претходно пренесоа американските медиуми, поради целиот случај, сопругата на Човин поднесе барање за развод на бракот.