Полицаец од Австралија загинал на сопствената свршувачка откако се лизнал и паднал
Британец кој се преселил во Австралија за да стане полицаец, починал за време на свршувачката откако се лизнал и паднал на земја, отсекувајќи си ја каротидната артерија, пишува Идепендент. Трагедијата се случила во Западна Австралија.
Лијам Тример (29) починал во неделата во својот дом во Западна Австралија додека се забавувал со пријателите и семејството. Толпата се обидела да го спаси младиот полицаец, но тој било залудно. Тример починал од обилно крварење непосредно пред брзата помош да пристигне на местото на настанот, соопшти полицијата.
Неговите колеги од полицијата го опишуваат Тример како „извонреден полицаец кој сакал да ѝ помага на заедницата“. Истрагата за смртта на 29-годишниот е покрената бидејќи не било јасно како паднал и се здобил со смртоносната повреда.
Тример се преселил во Австралија од Англија во 2013 година и дипломирал на полициската академија Џудалуп. После тоа се преселил во градот Калгорли. Тој се приклучил на одредот против банди и на групата за тактичка реакција во тие сили и станал еден од истакнатите членови на локалната заедница, пишува Индепендент.
Полицискиот синдикат на Западна Австралија го опиша Тример како „вреден член на синото семејство“, додавајќи дека неговата смрт е „страшна трагедија“.
„Секогаш кога полицаец ќе умре, без разлика како, тоа навистина го потресува јадрото на полициското семејство“, изјави за новинарите претседателот на синдикатот Пол Гејл.
Телото на Тример е испратено на обдукција, соопштија властите.