Маурицио Покетино, како што пренесува „Скај Спортс“, би сакал да се врати во Премиер лигата, вкупно пет години го водеше Тотенхем со кој успеа лани да дојде до финалето во Лигата на шампионите, вицешампион во Премиер лигата, а беше финалист и во Лига купот.

47-годишниот аргентински тренер моментно нема никаква работна обврска, веќе три месеци е комплетно надвор од фудбалот, но е јасна неговата голема амбиција да му се врати на спортот, особено во Англија.

Mauricio Pochettino sends message to Manchester United over replacing Ole Gunnar Solskjaer https://t.co/p8pSxDk1Nq #THFC #COYS

— FPL Ross (@FPL_Ross) February 11, 2020

Покетино би бил желба на секој клуб во Премиер лигата поради неговата работа во Тотенхем…

– Да бидам искрен, би сакал да работам во Премиер лигата. Знам дека ќе биде тешко, моментот е да се чека и ќе видиме што ќе се случи. Подготвен сум и чекам за нов предзвик. Имам верба и самодоверба дека следниот предизвик ќе биде фантастичен. Горд на успесите кои ги имав во Тотенхем, и кога ќе анализирам, се случија многу позитивни нешта- вели Покетино.

Многумина веќе ваквата желба ја сфаќаат дека би можел да биде наредниот менаџер на Манчестер јунајтед со кој се поврзува веќе неколку месеци.

„Црвените ѓаволи“ и сезонава предводени од Солксјер не бележат најдобри резултати и загубија уште една сезона кога е во прашање шампионската титула во Премиер лигата.