Погоди две стативи и една пречка, Нејмар играч на мечот во Париз
Нејмар на реванш четвртфиналниот натпревар од Лигата на шампионите против Баерн Минхен немаше среќа да постигне гол.
Бразилецот беше избран за играч на мечот во ПСЖ, погоди две стативи и една пречка, но за негова среќа тоа не влијаеше на конечниот исход.
– Многу сум среќен, и покрај поразот. Елиминиравме голем тим, но и ние сме големи, а тоа го покажавме вечерва. Го елиминиравме европскиот шампион. Ние сме во полуфиналето, но мора да работиме уште повеќе доколку сакаме да ја оствариме целта – рече Нејмар веднаш по натпреварот.
Шоуто на Бразилецот се случи за само четири минути кога трипати ја погоди рамката од голот, по што казни Ерик Чупо-Мотинг во следниот напад.
– Сите тие пропуштени шанси, толку малку ми недостасуваше. Најважно е што се квалификувавме во полуфиналето. Затоа сум задоволен. ПСЖ е голем – додаде Нејмар.
Во борбата за пласман во големото финале на ЛШ, француската екипа ќе се соочи со подобриот од четвртфиналниот двомеч помеѓу Борусија Дортмунд и Манчестер сити (прв натпревар 1:2).