Женската ракометна репрезентација на Македонија утре ги стартува квалификацииите за пласман на ЕП 2020. Ракометарките во првото коло и гостуваат на селекцијата на Шведска (утре 19 ч.) која е фаворит за првото место во групата.

Ракометната федерација на Македонија одлучи за првиот натпревар на ракометарките на домашен терен, влезот да биде слободен за избраничките на селекторот Симе Симовски да добијат што поголема поддршка. Во сабота (18 ч.), ракометарките во СЦ „Борис Трајковски“ ја пречекуваат Чешка.

„Ракометната Федерација на Македонија ги известува љубителите на ракометот дека сениорската женска селекција во сабота (28.09.2019) во СЦ “Борис Трајковски” во Скопје, ќе го одигра вториот натпревар од квалификациите за ЕП 2020 против селекцијата на Чешка. Да дадеме поддршка на нашата репрезентација, натпреварот почнува од 18:00 часот, влез слободен“ – објави куќата на ракометот.