Повеќе од шест месеци по нападот на приврзаниците на поранешниот претседател на САД, Доналд Трамп, врз американскиот Капитол, денеска е отстранета преостанатата ограда, која ја опколуваше таа зграда, соопшти полицијата.

Работниците во петокот започнаа со отстранување на преостанатата ограда висока 2,4 метри, која во еден момент опколи неколку блока на Капитол Хил и ги попречуваше пешаците и возилата, објави Ројтерс.

Одлуката за отстранување на преостанатата ограда е донесена врз основа на моменталната состојба на закани и неодамнешните подобрувања на полициските одговори во Капитол, се вели во соопштението издадено од Агенцијата.

„Подготвени сме брзо да го зајакнеме нашиот безбедносен одговор доколку се појави потреба“, рече вршителот на должноста началник на полицијата во Капитол, Јохана Питман.