Урмите се веројатно најслаткиот плод на природата. Традиционално се одгледуваат во Ирак, Северна Африка и Мароко, а ова овошје е споменато повеќе од 50 пати во Библијата и околу 20 пати во Куранот.  Урмите имаат навистина импресивна хранлива вредност. Најголемиот дел од калориите на урмата доаѓаат од нејзиниот јаглехидратен состав, а сосема мал дел од протеините. Количеството на мастите е сосема занемарливо.

Овие суви овошки се нераздвоен дел од традиционалната кујна на Блискиот Исток, но доста често се користат и во подготовката на медитеранските слатки. Лесно се прилагодливи со секојдневата исхрана, може да се најдат како главна состојка во многу слатки рецепти и здрави напитоци.

Состојки:

– 100гр урми
– 250гр сечкани ореви
– 100гр суво грозје
– 3 јајца
– 250гр шеќер
– 4 лажици брашно
– 1 кесичка прашок за пециво

Подготовка:

Во подлабок сад убаво изматете ги јајцата заедно со шеќерот. Потоа додадете го брашното и прашокот за пециво. Измешајте убаво за да добиете хомогена смеса.

Исчистете ги урмите од семки и исечкајте ги на ситни парченца. Исчистените ореви исецкајте ги, но на покрупни парчиња и измешајте ги со урмите во еден сад.

Со постепено мешање почнете да го додавате миксот од овошје во смесата со јајца и брашно за убаво да се распоредат секаде низ тестото.

Сипете го колачот во подлабок калап и печете на претходно загреана рерна од 180 степени.

Добар апетит!