Портпаролот на Кремљ Дмитрија Песков ги отфрли како неосновани обвинувањата на Велика Британија дека Русија се мешала во парламентарните избори во Велика Британија во декември 2019 година и дека руските разунавачки служби стојат зад крадењето на информации за вакцина за Ковид-19.

„Немаме информации за тоа кој би можел да ги хакира британските фармацевтски компании и истражувачки центри, но едно можеме да кажеме: Русија нема никаква врска со тие обиди. Не толерираме ниту такви наводи, ниту уште едно обвинување за руско мешање во изборите во 2019 година“, наведе Песков, пренесува ТАСС.

Претходно, Националниот центар за кибер-безбедност на Велика Британија обвини дека хакери, поддржани од руските власти, нападнале британски, американски и канадски организации, кои разработуваат вакцина против новиот коронавирус.

Русија обвинета за хакерски напади: Обид да се украдат истражувања за вакцини