Пеп Гвардиола, менаџерот на Манчестер сити, и официјално се откажа од титулата во Премиер лигата, предноста на Ливерпул од 22 бода на 10 кола до крајот, иако „граѓаните“ имаат натпревар помалку, е преголема. Токму поради тоа, Гвардиола фокусот го насочува кон куп натпреварувањата во Англија но и во Лигата на шампионите.

Манчестер сити во неделата трета година по ред триумфира во Лига купот, а утре го очекува пресметка со Шефилд Венздеј во петтото коло од ФА купот. Сепак, менаџерот на „граѓаните“ не пропушти во манир на голем џентлмен да му честита на Ливерпул.

– Првенството е завршено и Ливерпул сосема заслужено ја освои титулата. По сите натпреари кои ги одиграа, и предноста која ја имаат во однос на конкурентите, апсолутно заслужија да бидат шампиони. Нормално дека би сакал да немаме толку голема негатива на табелата, но сега единствена цел ни е да останеме втори на табелата и да се бориме за трофеите во ФА Купот и во Лигата на шампоионите – изјави Гвардиола.

Трофејниот трнеер не е задоволен само со освојување на Лига Купот, и смета дека „граѓаните“ во последните години го сменија менталитетот и станаа голем тим.

– Во големите екипи во кои работев, кога ќе освоевме трофеј, одевме да на туширање и веднаш потоа размислувавме за следниот предизвик или трофеј. Мило ми е што освоивме три Лига Купа, но веќе утре не очекува важен натпревар. Титулата која Манчестер сити ја освои под водство на Роберто Манчини е најважна во историјата на клубот, бидејќи таа го смени и менталитетот – смета Пеп Гвардиола.