Шефот на државата, Стево Пендаровски во интервју за австрискиот весник „Пресе“, ја предупредува ЕУ дека за никого нема да биде добро ако не го добиеме ветениот датум за преговори.

– Не се надеваме на сигнал, очекуваме одлука. Во текот на изминатата година и пол, испорачавме сè што треба. Ние дури и го сменивме името по историскиот договор со Грција. Ниту една друга земја-кандидат досега не го сторила тоа.

Пендаровски ѝ укажува на ЕУ дека ако се одложуваат пристапните преговори, ќе изгуби на кредибилитет и веродостојност.

„Граѓаните не прашуваа зошто мораме да го смениме името на нашата држава. Нашиот одговор беше – за да станеме членка на ЕУ. Испунивме сè што се бараше од нас досега. Сега граѓаните прашуваат зошто доаѓа до одложување – изјавил Пендаровски за „Пресе“.

Шефот на државата порачал: „Дајте нѝ шанса и да покажеме дека сме подготвени“.