Францускиот менаџер Патрик Виера заработи отказ од тренерското место во Кристал Палас.

Бројни пофалби добиваше легендарниот играч за врска во минатата сезона и во првиот дел од актуелната. Сепак, потоа дојде кризен период од почетокот на новата година и на „Селхуст парк“ беа принудени да пронајдат ново решение.

Кристал Палас е без победа уште од 31-ви декември минатата година кога го совладаа Борнмут со 0:2 на гостински терен. Играа цврсто и не беа лесен противник за ниту еден ривал, но резултатите е она што се брои.

„Со тешко срце ја носиме оваа одлука. Но, сега сме во несигурна позиција во Премиер лигата и промената е неопходна“, изјави првиот човек на клубот Стив Периш.

Виера на клупата на Палас помина 20 месеци и тимот го остава на 12-тата позиција со три бода над опасната зона.

Crystal Palace Football Club can confirm that Patrick Vieira has left his post as First Team Manager.#CPFC

— Crystal Palace F.C. (@CPFC) March 17, 2023