Германските здравствени власти ставија во карантин една берлинска болница откако 20 пациенти и членови на персоналот беа позитивни на новата, уште позаразна варијанта на коронавирус, откриен во Велика Британија и брзо се шири низ целиот свет.

Бројот на луѓе во болницата „Хумболт“ кои се заразиле од новиот вирус Б117 веројатно ќе се зголеми во наредните денови, изјави за Ројтерс портпарол на болницата.

Одлуката за карантин значи дека болницата „Хумболт“ во главниот град на Германија нема да прифаќа нови пациенти.

Во четвртокот, канцеларката Ангела Меркел ги повика Германците да престанат да се жалат на бавниот процес на вакцинирање против ковид-19 и ја бранеше одлуката за продолжување на блокадата колку што е потребно со цел да се запре поагресивната варијанта на коронавирусот.