Фред и Питер ги пиеле своите пијачки на шанкот, после долгиот ден на работа. Не се ни надевале дека низ вратата на локалното кафуле ќе влезе трудница во паника. Баш тоа и се случило, кога Кејси сфатила дека нема да дојде до болница на време, каде и возела откако и пукнал водењакот.

После тоа таа застанала на првото место на кое дошла, а тоа бил мал ресторан покрај улицата, кој често бил посетуван од професионални возачи на камиони.

– Бебето доаѓа. Ве молам, ми треба помош – било се што таа успеала да изговори пред шокираните камионџии и келнерки, пред да падне во несвест пред нив.

Луѓето викнале брза помош и пробувале да ја разбудат. Во меѓувреме, мајката на Кејси, исто така возач на камион, настојувала да дознае каде е таа. Не била во болницата, а единствено место на кое можела да побара помош бил тој локален ресторан, па се јавила таму.

– Ми рекоа дека веќе е таму и се породува. Сменив правец на камионот и тргнав назад. Бев под шок – рекла идната баба.

Фред и Питер ја имале брзата помош на телефонската линија. Успеале да ја разбудат Кејси и таа почнала да се породува. Меѓутоа, папочната врска се замотала околу вратот на бебето. Раѓањето се закомплицирало.

– Главата му се гледаше, а папочната врвца беше околу вратот. Немаше живот во детето, беше плаво во лицето. И кажав да престане да стиска бидејќи така ја притискаше врвцата – рекол Питер.

Од итна помош рекле дека морале детето да го бутнат назад за да го ослободат од папочната врвца.

– Јас навистина немам поим што да правам ако папочната врвца е околу вратот – признал Фред.

– Поминаа неколку моменти, а не слушнав никаков звук – уплашено кажала младата мајка, но Питер бил при себе.

Го штипнал бебето, му ги исчистил дишните патишта и бебето земало воздух.