Тие секогаш го кажуваат тоа што го мислат, без разлика на последиците и секогаш се обидуваат да ги усреќат другите. Потребна им е интелектуална стимулација и независност бидејќи секогаш сакаат да прават корисни работи.

Се работи за Водолиите, пишува „Атма“.

Водолиите постојано бараат мудрост, го кажуваат своето мислење и ја зборуваат вистината. Тие се нескротливи и интелектуално независни. Тие секогаш ќе го следат својот пат. На Водолиите им е потребна слобода. Нивната студена надворешност крие пријателско срце кое ќе се обиде да им помогне на пријателите на секој можен начин.

Водолиите сакаат кога сите се среќни и секогаш се трудат да направат сѐ за другите да се чувствуваат добро, без да очекуваат ништо за возврат. Единствено што им е важно е никој да не се труди да им ја ограничи слободата, за да можат да живеат без никакви обврски.

Водолијата секогаш сака да направи нешто корисно во животот. Вештата комуникација може да ѝ помогне да стане одличен политичар, социјален работник или психолог. Таа е прогресивен мислител и често влијае на создавањето нови идеи и теории.

Припадниците на овој хороскопски знак се доста објективни и не дозволуваат емоциите да им го заматат умот. Понекогаш може да биде болно за другите да ја слушнат вистината, но Водолијата ќе ја каже без разлика. На Водолијата ѝ е потребна интелектуална стимулација бидејќи постојано открива нешто ново и формира нови мислења.

Родените во знакот Водолија се полни со парадокси. Нив ги интересираат сосема спротивни работи. Сакаат да бидат сами, но сакаат да бидат и во големо друштво. Некои дури би рекле дека имаат две личности – во секој случај, тоа е она што ги прави толку посебни.