Милионерот Фахим Салех кој во вторникот е пронајден искасапен во својот стан во Њујорк, најверојатно е убиен од страна на неговиот личен асистент Тајрес Хаспил.

Хаспил се товари дека кобното утро влегол во стан кај својот газда и прво го онесвестил, а потоа со нож му нанел смртносни повреди. Потоа, како што се верувал, зел електрична пила, телото го сечел на делови и го пакувал во пластични вреќи.

При истрагата, кај него се пронајдени над десетина илјади долари од Салех.

„Осомничениот ги водел финансиските и сите други работи на жртвата.  Исто така кај него е пронајдено големо количество пари кое му припаѓало на убиениот“, соопшти полицијата.

Телото на милионерот го пронајде неговата сестра кога дошла да го види зошто не и се јавувал.

Според наводите на американските медиуми, безбедносните камери го снимиле Салех како во понеделникот влегува во зграда со маж. Утредента неговото тело е пронајдено во делови, а електричната пила е пронајдена во станот.