Бројот на лица кои се соочуваат со акутна закана за обезбедување храна годинава би можел да се дуплира и да достигне до 265 милиони поради падот на економиите предизвикан од вирусот Ковид – 19.

Вакво предупредување денеска испрати Светскиот програм за храна при Обединетите Нации.

Тие проценуваат дека влијанието на приходите од туризмот, падот на патувањата и другите ограничувања воведени поради пандемијата ќе предизвикаат во светот бројот на гладни да порасне за нови 130 милиони лица годинава.

До сега оваа категорија луѓе броеше 135 милиони, пренесува Ројтерс.

– Ковид – 19 е потенцијално фатален за милиони луѓе чија егзистенција веќе виси на конец, вели Ариф Хусеин, главен економист и директор за истражување, проценка и надзор во Светскиот програм за храна при ОН.