Официјално, рекорден трансфер за Наполи
Пред неколку дена италијанскиот новинар Фабрицио Романо објави дека Наполи постигна договор со Лил за трансфер на напаѓачот Виктор Осимен.
Napoli signed striker Osimhen from Lille for 60m€.
It’s the most expensive signing in the history of club
— Tancredi Palmeri (@tancredipalmeri) July 24, 2020
Денеска тоа го потврди уште еден новинар Танкреди Палмери, кој речиси никогаш не греши кога станува збор за трансфери на италијанските екипи.
Според Палмери, Наполи за одличниот напаѓач ќе плати 60 милиони евра и тоа е најголемиот трансфер во историјата на клубот, а петти најголем во историјата на Серија А.
Трите најголеми трансфери во Серија А се дело на Јувентус кој за Кристијано Роналдо плати 117 милиони евра, за Гонзало Игуаин 90 милиони евра, а за Матијс де Лихт 85.5 милиони евра, по што следи Интер кој минатото лето издвои 75 милиони евра за Ромалу Лукаку.
Лил се согласи да го продаде Осимен откако успеа да најде замена за него и зборот падна на турскиот репрезентативец Бурак Јилмаз од Бешикташ кој ќе потпише двегодишен договор.