Официјално: Карло Анчелоти ќе го води Евертон! (ВИДЕО)
Карло Анчелоти се врати во Премиер лигата, тој е промовиран како нов менаџер на Евертон, со договор на четири години на „Гудисон парк“.
Италијанецот ќе има задача прво клубот да го одведе на побезбедно место во генералниот пласман од Премиер лигата, моментно е на 16. место со 18 бодови, само три повеќе од Саутемптон кој е во опасната зона на испаѓање.
? | Introducing the new manager of Everton Football Club, @MrAncelotti! #WelcomeMrAncelotti pic.twitter.com/zNNoix8H5R
— Everton (@Everton) December 21, 2019
– Ги гледав перформансите на клубот во последните две недели и видов играчите се способни за добри резултати. Голема заслуга за развојот на тимот има и Данкан Фергусон. Силна организација, силна дисциплина и вистинската мотивација се некои од клучните сегменти во фудбалот и задоволен сум што тој ќе биде дел од соблекувалната со цел екипата да оди напред – рече Анчелоти.
60. годишниот тренер имаше славни моменти во Англија со Челзи со по една титула во Премиер лигата, ФА Купот и ФА Комјунити Шилд.
Во својата тренерска кариера ги водеше уште Баерн Минхен, Реал Мадрид, ПСЖ, Милан, Јувентус, Парма и Реџана.