Официјално: Хаверц потпиша за Челси
Англискиот премиерлигаш направи неверојатна работа во летниот преоден рок, ангажира шест екстра засилувања.
Каи Хаверц денеска и официјално стана нов фудбалер на Челси откако утринава ја напушти германската репрезентација за да замине во Лондон и да стави параф на договорот со Челси.
Хаверц го напушти кампот на германската репрезентација поради Челси
Довчерашниот фудбалер на Баер Леверкузен, од денеска е нов фудбалер на Челси кој во досегашниот преоден рок ги ангажира Тимо Вернер од Лајпциг, Хаким Зијех од Ајакс, Бен Чилвел од Лестер и Тијаго Силва кој дојде како слободен играч.
– Многу сум среќен, а воедно и горд што сум тука. Тоа што ќе играм за вака голем клуб како Челси е остварување на сонот. Едвај чекам да ги запознаам соиграчите и тренерот – изјави Хаверц по потпишувањето на договорот.
Директорката на Челси, Марина Грановскаја, уште еднаш го потврди епитетот на најмоќна жена во светот на фудбалот.
– Каи е еден од најдобрите млади фудбалери на светот од својата генерација и среќни сме што неговата иднина е поврзана со Челси. Тој го покажа својот квалитет во една од најдобрите европски лиги, игра за германската репрезентација – изјави Грановскаја.