Вчера во последното коло од италијанската Серија А екипата на Наполи се бореше за едно од местата кои водат следната сезона во Лигата на шампионите.

На крајот „наполитанците“ не успеаја да ја остварат целта и ќе мора повторно да се задоволат со учество во Лига Европа.

Газдата на клубот, Аурелио Де Лаурентис преку својот Твитер профил ја информираше јавноста дека се прекинува соработката со досегашниот тренер Џенаро Гатузо.

– Драг Рино, среќен сум што скоро две сезони поминав со тебе. Благодарност за твојата работа, ти посакувам успех каде и да одиш. Прегратки до твојата сопруга и децата – напиша Де Лаурентис кој денеска го слави 72 роденден.

Caro Rino, sono felice di aver trascorso quasi due stagioni con te. Ringraziandoti per il lavoro svolto, ti auguro successi ovunque tu vada. Un abbraccio anche a tua moglie e ai tuoi figli. Aurelio De Laurentiis

— AurelioDeLaurentiis (@ADeLaurentiis) May 23, 2021

Италијанските медиуми шпекулираат неколку имиња кои се поврзуваат со тренерската клупа на Наполи, а според „Калчомеркато“ прв кандидат е Лучано Спалети.

Де Лаурентис е подготвен да му понуди договор на Спалети со годишна заработка од 2,5 до три милиони евра.

Се одвојуваат уште неколку кандидати, тие се Иван Јуриќ, Винченцо Италиано и Кристоф Галтие, а се спомнува и Масимилијано Алегри, иако екс шефот на Јувентус е во разговори со Реал Мадрид.

ВИДЕО: Каква драма во Серија А, Верона „играше“ за Јувентус!