Федералниот апелационен суд во Италија вечерва пресуди со одлука за одземање на десет бодови за Јувентус и со оваа казна „старата дама“ не е помеѓу екипите кои се пласираат во Лигата на шампионите.

Сослушувањето се одржа денес во Рим. Обвинителот Џузепе Чине по враќањето на случајот побара казна од девет бода за црно-белите. Сепак, судот го прогласи Јувентус за виновен за „надувувањето“ на трансфер сумите со цел поголеми капитални добивки за клубот.

Во овој момент Јувентус има 59 бодови и така се наоѓа на седмата позиција, а ако слави вечерва против Емполи би се искачил до петтото место.

Како што стојат работите најважен за Јувентус би можел да биде натпреварот против Милан кој се игра во претпоследното коло од Серија А. „Росонерите“ во овој момент се четврти со 64 бода.