Денеска Манчестер јунајтед објави дека нов играч на клубот е Кристијан Ериксен кој потпиша договор до јуни 2025 година.

Играчот од средниот ред до сега има 115 настапи за данската репрезентација, постигнувајќи 38 голови.

Во Премиер лигата има 237 натпревари на кои постигна 52 голови и запиша 71 асистенција.

– Манчестер јунајтед е посебен клуб и едвај чекам да започнам. Многупати ја имав привилегијата да играм на „Олд Трафорд“, но да го направам тоа во црвениот дрес на Јунајтед ќе биде неверојатно чувство – рече Ериксен за клупскиот сајт на „црвените ѓаволи“.

Пред Данецот договор со Јунајтед потпиша и холандскиот дефанзивец Тајрел Маласија, а се очекува наскоро да дојде и Лисандро Мартинез од Ајакс.

Christian Eriksen is a RED! ✍️🔴#MUFC || @ChrisEriksen8

— Manchester United (@ManUtd) July 15, 2022