Официјално: Анчелоти го продолжи договорот со Реал Мадрид
Италијанскиот тренер Карло Анчелоти одлучи да го продолжи договорот со Реал Мадрид до 30 јуни 2026 година.
Во пет сезони на клупата на „кралскиот“ клуб освои 10 титули, по две во Лигата на шампионите, Светското клупско првенство, Европскиот Супер Куп и Копа дел Реј, и по една во „Ла Лига“ и Шпанскиот Супер куп.
Анчелоти е единствениот тренер кој освои четири европски трофеи и со 118 победи е најуспешниот стручњак во тие натпреварувања, а воедно и првиот кој доаѓаше до шампионски титули во Топ 5 европските лиги во Италија, Шпанија, Англија, Франција и Германија.
Comunicado Oficial: renovación de Carlo Ancelotti.#Ancelotti2026 | #RealMadrid
— Real Madrid C.F. (@realmadrid) December 29, 2023
Се шпекулираше годинава дека би можел да биде новиот селектор на Бразил, но Италијанецот константно изјавуваше дека негова примарна цел е да остане на „Сантјаго Бернабеу“.
И сезонава има шанса Анчелоти со Реал да се закити со нови пехари, моментно по 18 кола е првопласиран во „Ла Лига“ со 45 бодови колку што има и најголемото изненадување во шампионатот, Жирона, а со седум помалку бодови на третото и четвртото место се Атлетико Мадрид и Барселона.
Во Лигата на шампионите во осминафиналето за противник го има Лајпциг на македонскиот репрезентативец Елиф Елмас. Наскоро ќе игра и 1/16 финале во Кралскиот куп против нисколигашот Арандина.