Напаѓачот на Атлетико Мадрид, Диего Коста минува низ тежок период, бидејќи повеќе од една година против овој фудбалер се води процес поради затајување данок.

Фудбалерот ќе излезе на суд на 4 јуни, поради обвиненија дека ги избегнувал даноците, јавуваат денеска шпанските медиуми. Како што објави „АС, обвинителот побара затворска казна од шест месеци за играчот на „јорганџиите“.

Фудбалерот на шпанската репрезентација затаил данок од еден милион евра, а тоа се однесува на периодот од пред шест години кога премина од Атлетико правеше трансфер во Челси.

Често Коста има проблеми во и надвор од теренот, а бројни спортисти во Шпанија, вклучувајќи ги и Лионел Меси и Кристијано Роналдо, поминаа низ слични случаи.

Медиумите наведуваат дека, дури и доколку Коста биде прогласен за виновен, условната и финансиската казна се вообичаени во вакви случаи.