Новите министри ќе бидат познати до крајот на неделата – Слободен печат
ВестиМакедонија

Новите министри ќе бидат познати до крајот на неделата

Премиерот Заев завчера најави дека планира до денеска да ги достави предлозите за реконструкција на Владата, а дека Парламентот планира седница на почетокот на идната недела.

Предлогот на премиерот Зоран Заев за новите министри од најавената владина реконструкција треба до крајот на неделата да бидат доставени до Собранието, а предлогот да биде усвоен во наредната седмица.

Премиерот Заев завчера најави дека планира до денеска да ги достави предлозите за реконструкција на Владата, а дека Парламентот планира седница на почетокот на идната недела.

Владиниот портпарол Муамет Хоџа, вчера соопшти дека предлогот за промените во владиниот кабинет премиерот Заев треба да ги достави до крајот на оваа недела и дека во меѓувреме, премиерот ги продолжува консултациите со партиите од коалицијата.

– Очекуваме во почетокот на наредната недела, зависно од агендата на Парламентот, Предлогот за реконструкција да биде усвоен. Премиерот Заев ќе го достави до Собранието до крајот на оваа недела, рече Хоџа.

По изгласувањето во Парламентот, премиерот најави дека продолжуваат со промената на директорските места и да завршат со кадровските промени.

– Верувам дека до крајот на месецот СДСМ ќе ги донесе одлуките за избор на потпретседателите на партијата и мал дел на претседатели на општински организации кои останаа неизбрани, рече Заев кој посочи дека промените се неопходни.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close