Нови мерки во Хрватска: Намалено присуство на собири, угостителски објекти работат до 22 часот

На полноќ во Хрватска стапија во сила нови мерки против ширењето на коронавирусот, кои, меѓу другото, предвидуваат затворање на ноќните клубови и казината и ограничување јавните собири, свадбените церемонии и погреби.

Новите мерки беа донесени затоа што претходните не резултираа со намалување на бројот на заразени лица, што е важно за олеснување на болничкиот систем, и тие ќе се применуваат до 15 декември, соопшти Националниот штаб за цивилна заштита.

Мерките се однесуваат на ограничување на јавни настани и собири на 25 лица, наместо на 50 лица, како што беше досега, ограничување на свадбени церемонии на 15 наместо на 30 лица, додека на погреби може да присуствуваат најмногу 25 лица, наместо 30, а сочувството не смее да биде изразено со близок контакт, наведува агенцијата Хина.

Прочитајте и...  Британскиот министер за здравство Хенкок: Размислуваме за намалување на периодот на самоизолацијата за суспектните лица на ковид-19

Приватните свечености се ограничени на 10 лица, наместо на 15, а спортските натпревари може да се одржуваат без гледачи и со придржување кон мерките, како и досега.

Работата на ноќните клубови, казина и автомат клубовите е суспендирана, а другите угостителски објекти ќе бидат отворени до 22 часот, со истакнато известување за најголемиот број гости што можат да бидат во објектот.

Продавниците, исто така, ќе треба да посочат вакво известување за најголемиот број потрошувачи во нивните простории..

Воведени се дополнителни ограничувања за собири кои не се ограничени на 25 лица, како што се професионални уметнички програми, кино-проекции, верски церемонии и седници на пратенички тела. Бројот на присутни луѓе е ограничен на големината на просторот и мора да се обезбедат четири квадратни метри простор за секоја личност.

Прочитајте и...  ФОТО: На аеродром во Багдад уапсен генералниот координатор на ИСИС

Воведена е и забрана за продажба на алкохолни пијалаци од 22 до 6 часот наутро.

Поврзани вести

Генералниот секретар на НАТО, Столтенберг му ja честиташе победата на Бајден

Илинка Иљоска

ВИДЕО: Хаос на аеродромот во Шангај, терстирањето за ковид-19 излезе од контрола

Илинка Иљоска

ВИДЕО: Драма меѓу две членки на НАТО во водите на Средоземното Море: Анкара протестира затоа што тимот на мисијата на ЕУ претресе турски брод на пат кон Либија

Илинка Иљоска

Велешките еколошки возила ги надминуваат границите

Слободен печат

ВИДЕО: На тајна венчавка се собрале 7.000 луѓе без маски

И.И.

Ахмети: Нема загриженост дека Меџити може да поднесе интерпелација против Груби и Османи

Слободен печат

Остави Коментар