Икер Касиљас, легендарниот голман на Порто и шпанскиот фудбал, се уште заздравува од срцевиот удар кој неодамна го доживеа, а сега се соочува со нова животна драма.

На неговата сопруга Сара Карбонеро и бил дијагностициран малиген тумор.

„Се уште не се опоравивме од стравот, а животот повторно не изненади. Овој пат ми зададе удар на мене. Пред неколку дена на преглед докторот ми дијагностицираше тумор на јајниците. Веќе имав и операција и се помина во најдобар ред. За среќа, беше откриен во рана фаза, но уште неколку месеци ќе одам на терапија. Смирена сум и самоуверена дека се ќе биде во најдобар ред. Знам дека патот ќе биде тежок, но со среќен крај. Имам поддршка од семејството и пријателите и одличен медицински тим“, напиша Сара Карбонеро на Инстаграм.