Клиничката слика предизвикана од најновиот вид на коронавирус, ЕГ.5 подваријантата наречена Ерис, во повеќето случаи е блага, како кај децата, така и кај возрасните. Светската здравствена организација (СЗО) издаде соопштение дека најновиот вид не претставува голема закана бидејќи засега нема докази дека овој најнов сој предизвикува потешки форми на болеста.

Според СЗО, Ерис првпат бил регистриран во февруари 2023 година и оттогаш бројот на заразени со оваа подваријанта постојано расте.

Симптомите се слични на симптомите на корона на кои веќе сме навикнати: висока температура, болки во грлото, изразена малаксаност, сува кашлица која не престанува, течење на носот, како и губење на сетилото за мирис и вкус, пишува д-р Саша Божовиќ за „Стетоскоп“.

Ерис коронавирусот нема никакви специфични симптоми, главно тие се благи или вообичаени симптоми на ковид-19. Како и другите соеви на омикрон, ЕГ.5 го инфицира горниот респираторен тракт предизвикувајќи непријатност, затнување и течење на носот, поради што многу луѓе да мислат дека имаат алергија, потоа воспалено грло, кашлица и други симптоми слични на настинка, за разлика од симптомите на долните дишни патишта, објаснува д-р Скот Робертс, специјалист за заразни болести на Јејл Медицина при Универзитетот Јејл. Но, луѓето постари од 65 години или оние со ослабен имунолошки систем се изложени на поголем ризик вирусот да го нападне долниот респираторен тракт, предизвикувајќи тешка болест.

– Не сум запознаен со податоци кои укажуваат дека ЕГ.5 води до полоши, потешки случаи на ковид-19 во споредба со претходните варијанти. Но, првите извештаи покажаа дека ЕГ.5 се шири побрзо од кој било друг сој што моментално циркулира – објаснува д-р Скот Робертс, кој го следеше и анализираше летниот пораст на случаите со ковид-19.

Клиничка прогноза за пациенти кои припаѓаат на загрозени групи

Во секоја болест постојат ризични групи, вклучително и во овој, нов сој на коронавирус. Загрозени групи се постарите лица, децата и лицата со поврзани болести. Тие може да развијат потешки манифестации на болеста поради две причини:

1. поради незрелост на имунитетот

2. поради нарушен имунитет

Заштита од новиот вид корона во време кога изолацијата не е задолжителна

Мерките за заштита од заразни болести се универзални, а во нив спаѓаат:

– домашна изолација – доколку е потребно
– избегнување на големи собири на луѓе
– често миење раце
– носење маска

Друга форма на заштита на вашата околина од новиот вид коронавирус е тестирањето. Тестирањето може да се направи во која било регистрирана лабораторија, а постои и можност за купување на брз тест во аптеките.

Почетокот на учебната година и коронавирусот

Доколку се појават знаци на респираторна инфекција, секако е неопходно да се испрати таков ученик во домашна изолација и да се јави кај својот педијатар. Во училиштата се препорачува носење маски, често миење раце, но и она што често се заборава – проветрување на училниците. Важно е да ги научите децата како да го подготват својот работен простор во согласност со мерките за заштита од заразни болести.

Најважно е превентивно да се работи на подигање на имунитетот на поединецот.

Самостојно зајакнување на имунолошкиот систем

Треба да придржуваме на урамнотежена исхрана со доволен внес на протеини, масти, јаглехидрати, витамини и минерали. Но, тоа не може да биде доволно доколку немаме квалитетен сон и одмор, како и престој во природа и редовна физичка активност.