Жител на Тетово вчера физички нападнал вработен во Меѓуопштинскиот центар за социјални работи во Скопје. Нападнатиот е 41-годишен социјален работник, кој бил на своето работно место, информираат од полицијата.

Тетовецот кој упаднал во установата оштетил и дел од инвентарот, фрлал предмети и им се заканувал и на другите вработени.

Од МВР велат дека преземаат мерки за расчистување на случајот.

Ова се случува по само еден месец откако беше застрелана социјална работничка во Прилеп. Нападот го изврши 50-годишен маж, кој претходно побегнал од Психијатриската болница во Демир Хисар.