Еден од главните фаворити за титулата на Европското првенство, Норвешка, на крајот мораше да се задоволи со третото место и бронзениот медал. По неверојатното полуфинале во кое загубија по продолженијата од Хрватска,

Норвежаните имаа доволно мотиви да дојдат до победата и да го освојат првиот медал на Европските првенства.

Неизвеноста во наптреварот беше присутна само во првото полувреме во кое повторно доминираа Норвежаните, и на паузата заминаа со три гола предност (12:9).

Победникот беше решен во воведните минути од второто полувреме кога избраниците на селекторот Берге дадоа пет гола во серија со која дојдоа до недостижна предност од 17:9. До крајот на средбата, Норвежаните рутински ја одржуваа предноста.

Најдобар стрелец беше Јондал со седум постигнати гола, Бјорнсен даде пет, а новиот најдобар стрелец во историјата на ЕП, Сандер Сагосен натпреварот го заврши со четири гола. Кај Словенија најпрецизни беа Бомбач со пет и Мачковшек со четири гола.

Претходно во натпреварот за петтото место, Германија со 29:27 го совлада најпријатното изненадување, Португалија.
Големото финале помеѓу Хрватска и Шпанија ќе се игра утре (16.30 ч.), а честа да го судат овој натпревар ја добија нашите Славе Николов и Ѓорѓи Начевски.