Ниту еден од пратениците на Алтернатива нема да стане министер?
Централното претседателство на Алтернатива вечерва бира кандидат за прв човек во здравството, министри, заменици и директори на позициите кои лидерот Африм Гаши ги договори со Зоран Заев.
Вечерва ќе се знае дали стоматологот Беким Сали ќе го замени Венко Филипче или за министер ќе биде избран друг кадар на партијата.
Повикувајќи се на извори во партијата, Телма објави дека ниту еден од актуелните пратеници на Алтернатива, вклучително и лидерот на партијата, Африм Гаши, нема да биде дел од новиот состав на владата.
Алтернатива одлучува кој ќе седне во министерските фотелји во здравство и информатичко општество, но и кој ќе биде министер без ресор задолжен за дијаспората. Партијата ќе бира 47 идни фукционери во реконструираната Влада.