Во своето вечерашно гостување во емисијата „Патот кон…“ на ТВ Алсат, новинарот Љубиша Николовски изјави дека не гледа јасен бенефит од внесувањето на графа за етничка определба во личните карти и смета дека таквото одбележување на граѓаните не би довело до нивен бенефит, туку до можност за етикетирање.

– Во земјата се водат статистики. Секоја година ако водиме статистики за добри и за лоши дела, тогаш ќе биде – колку Македонци има во затвори, колку Албанци има во затвори, колку Босанци, па ќе излезе тезата дека една етничка заедница е криминогена. Ние ќе имаме податоци, меѓутоа не води кон добро на граѓаните коишто живеат тука за создавање на мултиетничко општество, вели Николовски.