Никола Јокиќ испишува историја, тој ќе стане првиот играч кој некогаш ја добил наградата „Мајкл Џордан“ во НБА лигата. Во прашање е наградата МВП за најдобар играч во сезоната, а се однесува на сезоната 2021/22, која беше 75-годишнина од најсилната кошаркарска лига во светот, поради што е направен посебен трофеј.

Тоа не е единствениот пехар што го смени името, но овој е секако посебен. Изработен е од бронза, а на врвот има кристален камен што ја претставува топката. Тој е висок 59 сантиметри и тежок околу 10 килограми. Според американскиот метрички систем во двете категории се изедначува со бројот 23 кој Мајкл го носеше во кариерата. Кристалната топка на врвот има и 23 дела.

Трофејот го направи Марк Смит, човек кој излезе од пензија токму поради ова, бидејќи работеше во компанијата „Најк“ и беше дизајнер во брендот на Џордан.

– Чест ми е што можам да го направам овој трофеј со Мајкл. Неговата визија, неговата желба, сето она низ кое се бореше во кариерата. Работевме заедно на овој проект и за Џордан беше многу важно фигурата да не е идентична како него, затоа што сакаше добитникот да може да се види себеси преку таа фигура – рече Смит.

Што се однесува до останатите награди, трофејот за најдобар дефанзивец го носи името по Хаким Олајџувон, а за „дебитант“ на годината по Вилт Чембрлен.

#Nuggets star Nikola Jokic will retroactively get the first version of this trophy, the newly renamed Michael Jordan Trophy given to the league MVP. Very cool. pic.twitter.com/mkAsQK85sK

— Chris Dempsey (@chrisadempsey) December 13, 2022

#Nuggets star Nikola Jokic will retroactively get the first version of this trophy, the newly renamed Michael Jordan Trophy given to the league MVP. Very cool. pic.twitter.com/mkAsQK85sK

— Chris Dempsey (@chrisadempsey) December 13, 2022