Нико Ковач по 11 натпревари без победа со Волфсбург доби отказ
Бундеслигашот Волфсбург го отпушти хрватскиот стратег, Нико Ковач по поразот од Аугусбург во рамките од 26. коло во првенството.
Аугусбург славеше победа од 1:3, а за тимот на Волфсбург ова беше 11. натпревар без победа, па затоа и отказот за Ковач не е големо изненадување.
Заминувањето на Ковач го потврди директорот на клубот, Марсел Шефер.
„По поразот и направената анализа на ситуацијата донесовме одлука да ја прекинеме на соработката. Жалиме за ваквиот развоја на настаните, меѓутоа веруваме дека потегот ќе биде добар за тимот да го добие потребниот поттик. На Ковач му благодариме и му посакуваме се најдобро во иднина“, изјави Шефер.
Заедно со Ковач од Волфсбург заминува неговиот брат Роберт Ковач и Арон Бригс кои беа дел од стручниот штаб.