Нико Ковач денеска и официјално е промовиран во нов тренер на францускиот прволигаш Монако. Тој доаѓа во тимот од Монте Карло на местото на Шпанецот Роберто Морено кој доби отказ.

„Многу сме среќни што го дочекавме Нико Ковач во клубот. Ова ќе биде нов почеток за Монако, имаме големи амбиции и веруваме дека Нико Ковач ќе биде тој што ќе ни помогне да ги оствариме. Тој е познат по напорната работа и неговото влијание беше големо во хрватската репрезентација и во клубовите во кои играше, а потоа и ги тренираше. Убедени сме дека заедно ќе оствариме врвни резултати. Првиот тренинг новиот тренер ќе го има утре“, стои во соопштението на Монако.

L’AS Monaco est heureux d’annoncer l’arrivée de Niko Kovac au poste d’entraîneur. Le technicien croate a paraphé un contrat de trois ans, avec une option de prolongation.

Niko Kovac dirigera son premier entraînement ce lundi au CE de La Turbie.https://t.co/QTavTeqQhM

— AS Monaco ?? (@AS_Monaco) July 19, 2020

Последен ангажман на Хрватот беше на клупата на Баерн Минхен, но во ноември 2019 година доби отказ. Ковач во баварците триумфира во Бундеслигата, го освои германскиот Куп и Суперкуп, а претходно работеше и во Ајнтрахт Франкфурт со кого триумфира во Купот на Германија, и беше селектор на Хрватска.