Македонскиот репрезентативец Илија Несторовски во последните две години постојано беше поврзуван со трансфер во Црвенa звезда, но тој на крајот остана во Италија и сега е член на Удинезе.

Несторовски потврди за Арена Спорт дека минатото лето имал контакти со „црвено-белите“ но не дошло до договор.

– Имаше разговори, понуди… Пред околу осум месеци, и пред повеќе од една година. Но, морав да им се заблагодарам на понудите и интересот. Убаво ми е во Италија, децата одат во училиште, го учат италијанскиот јазик. Никогаш не се знае што носи иднината, но засега во Италија се чувствуваме одлично и остануваме тука – изјави Несторовски.

Напаѓачот на македонската репрезентација минатото лето потпиша тригодишен договор откако неговиот поранешен тим Палермо беше осфрлен во четвртата лига поради финансиски малверзации на претседателот на тимот.