Нема замрзнати цени, ама има сезона на ајвар: Цените на зејтинот скокнаа како на почетокот на пандемијата

Разликата во цените на маслото за јадење од пред една недела и сега е очигледна и оди дури по 15 денари за литар, бидејќи некои видови се продаваат за од 69 до 77 денари. Трговците велат дека се најавува и поскапување на шеќерот и на јајцата, но и тоа е поврзано со подготовката на зимницата.

Сезоната за подготовка на традиционалните зимници ја поскапи цената на маслото за јадење во трговијата. Разликата е очигледна и оди дури 15 денари за литар, бидејќи некои видови се продаваат од 69 до 77 денари. Трговците креваат рамена и велат дека поскапувањето се должи на зголемените набавни цени, а единствен одговор е дека „сѐ е поскапено“.

Ваквите турбуленции на македонскиот пазар не се новина и тие по правило се присутни секогаш кога има нарушување во снабдувањето или кога се знае дека има зголемена потреба од некои артикли, како, на пример, наесен. Трговците велат дека се најавува и поскапување на шеќерот и на јајцата, но и тоа е поврзано со подготовката на зимницата.

Прочитајте и...  ВИДЕО: МВР го бараше со 8 потерници, осуденик конечно фатен и вратен во Македонија

Во изминатите месеци пазарот беше стабилно снабден, а цените се вратија во нормала по првичниот скок на почетокот на март. Ваквата ситуација беше поврзана со појавата на коронавирусот, па граѓаните побрзаа да се снабдат со прехранбени артикли и тоа во енормни количества. За да спречи драстични скокови на цените, Владата во средината на март годинава донесе одлука за замрзнување на цените на основните производи и тоа на лебот, солта, маслото за јадење, млекото и млечните производи, јајцата, брашното, месото, тестенините, лековите и дезинфекциски средства. Ваквиот потег мораше да се случи, бидејќи за само неколку денови цените на брашното скокнаа дури за 40 проценти, а драстично поскапи и маслото за јадење.

Прочитајте и...  Шахпаска: Сите пратенички групи да дадат придонес за Законот за заштита од дискриминација

Со завршувањето на вонредната состојба на крајот на јуни, престана да важи и Одлуката за замрзнати цени на основните прехранбени производи. Трговците добија одврзани раце да ги зголемат цените во малопродажбата, но граѓаните имаа големи резерви, а го немаше и психолошкиот притисок дека ќе снема одреден производ. Престана да важи и обврската за формирањето на цените за јужното овошје. Со одлуката наменета за вонредната состојба, маржата односно разликата меѓу набавната и продажната цена, во трговијата на големо можеше да биде најмногу 10 проценти, а во трговијата на мало 15 проценти. Не постојат ни ограничувања во однос на извозот на пченица и брашно. Летоска се намалија и транспортните трошоци, а границите не беа затворени за превоз на храна, така што во изминатите неколку месеци не беа забележани драстични скокови на цените.

Прочитајте и...  Миле Јанакиески и Кирил Божиновски барале 15.000 евра за ВМРО-ДПМНЕ

Државниот пазарен инспекторат за време на вонредната состојба изврши повеќе од 2.000 контроли на маркетите и изрече околу 100 прекршоци, а казните се движат од 500 до 10.500 евра.

Поврзани вести

Уште еден велешанец ја загуби битката со коронавирусот

Слободен печат

Детали: Волонтерот кој умре на тестирањето на оксфорд вакцината, примил друга вакцина

Слободен печат

Алиев: Азербејџан презеде контрола над 22 места во Нагорно-Карабах

Слободен печат

Рамадани: Изјавата на Каракачанов е сериозна, но и апсурдна

Слободен печат

Нагорно Карабах останува воена зона: Турција е подготвена да испрати војска во Азербејџан

Слободен печат

Д-р Беќаровски: КОЛКУ СМЕ ЗАГЛАВЕНИ И ЗАРАЗЕНИ ???

Остави Коментар