Управата на Академија Пандев не ја прифати оставката на Ѓорѓе Стојчев и одлучи стратегот да остане на клупата на струмичкиот тим.

Стојчев по два натпревари без триумф во Првата фудбалска лига најави дека ќе си замине од тренерската функција во Академија Пандев иако екипата се наоѓа на делба на третото место на табелата со 49 бода, само два помалку од второпласираната Шкенија.

– На денешниот состанок на Управниот Одбор на клубот беше разгледена понудената оставка од страна на Шефот на стручниот штаб на сениорскиот тим – Ѓорге Стојчев. Сакаме да ја информираме јавноста дека понудената оставка НЕ Е ПРИФАТЕНА. Управниот Одбор, сите вработени, како и сите кои на било каков начин се поврзани со клубот целосно ја даваат поддршката на тренерот Ѓорге Стојчев, а убедени сме дека резултатската криза ќе се надмине веќе во наредните натпревари. Решението за назначување на Стојчев за тренер на сенирскиот тим не е случајно и го сметаме за најважна алка во градењето на тимот во иднина – соопшти управата на А. Пандев.

Стојчев седна на клупата на пандевци по заминувањето на Александар Васоски во Сараево.