Кошаркарите на Мајами Хит ја совладаа екипата на Лос Анџелес Лејкерс со 111:108 во петтиот натпревар од НБА финалето и го намалија резултатот во серијата на 3:2.

Лејкерси ја пропуштија првата шанса да бидат шампиони оваа сезона. Наредниот шести меч ќе се игра во ноќта помеѓу недела и понеделник.

Во редовите на „жешките“ Батлер повторно имаше „трипл-дабл“, овојпат со 35 поени, 12 скока и 11 асистенции, Робинсон постигна 26 поени, а „двоцифрени“ беа уште Нан (14), Адебајо (13), Хиро (12) и Краудер (11).

На спротивната страна за „езерџиите“ недоволни беа 40 поени на Џејмс (13 скока), Дејвис додаде 28 поени (12 скока), а Поуп забележа 16 коша.

Лејкерси за првпат оваа сезона излегуваат како поразени на два натпревари во една плеј-оф серија, а исто така првпат се поразени во „Мамба дресовите“, инспирирани од Коби Брајант.