Навивачите на Келн се чудат: Зошто Чурлинов не е во првиот тим?
На стартот од деветтото коло во Бундеслигата во петокот Келн загуби на гостувањето кај Мајнц со резултат 3:1.
И на овој меч во составот на Келн не беше македонскиот интернационалец Дарко Чурлинов. Келн веќе го претрпе шестиот пораз за моментно 16. место на табелата во најсилното германско првенство.
Младиот У21 репрезентативец Чурлинов (19) лани беше прв стрелец во јуниорската Бундеслига – Запад со 18 голови за У19 тимот на Келн.
Со добрите игри беше повикан ова лето во првиот тим да тренира со сениорите, беше одличен на пријателски мечеви со нови голови, а дебитираше и во Бундеслигата настапувајќи во Волфсбург, а беше и во составот за дуелот со Падерборн.
Но, тренерот Бејерлорзер веќе низа мечеви не го повикува, а својот талент денеска уште еднаш го покажа настапувајќи за вториот тим на Келн кој во 15. коло од Регионалната лига – Запад дома триумфираше со 4:1 против Липстад.
Was muss der Churlinov eigentlich noch machen um wenigstens mal ne Chance zu bekommen. Der Junge ist klasse
— Gianluca (@Gianluca_0803) October 26, 2019
Чурлинов беше најзаслужен за трите бода реализирајни хет-трик, со погодоци во 34., 49. и 89. минута од средбата.
Овој меч со големо внимание го следеле навивачите на Келн кои веднаш со лавина коментари на социјалните мрежи, со едно прашање, зошто Чурлинов не е во првиот тим?
Churlinov hat in der Reserve nichts zu suchen. Was muss er noch zeigen. Bitte mal die Augen auf machen die Herren! Woche für Woche darf Schindler rumstümpern….
— Colonia (@German_Longplay) October 26, 2019
Villeicht mal Churlinov für Kainz oder Schindler, Herr Beierlorzer? Was soll der Junge noch machen, um bei den Profis zu spielen..
— Anılz²³?? (@xZitex_) October 26, 2019
Еве дел од коментарите на Твитер:
-Чурлинов нема потреба да биде во резервниот тим. Што уште треба да направи? Ве молам, отворете ги очите!
-Чурлинов можеби замена за Кајнц или Шиндлер (овие двајца играат во првиот тим), господине Бејерлозер? Што уште треба да направи момчето за да игра со професионалците?
-Што уште треба да направи Чурлинов за да добие шанса? Момчето е одлично!
