Напаѓачот на главниот уредник на „Монитор“ бил апсен неколку пати
Според црногорските медуми, станува збор за познат извршител на кривични дела.
Драгутин Шуковиќ (55) од Подгорица, кој го нападна главниот уредник на подгоричкиот неделник „Монитор“, Есад Кочан, е приведен во полиција.
Според црногорските медуми, станува збор за познат извршител на кривични дела.
Шуковиќ го пресретнал Кочан пред влезот на зградата во која живее новинарот и почнал да го навредува, па го нападнал.
Портпарол на Основното државно обвинителство во Подгорица, државниот обвинител Вукас Радоњиќ изјави дека Суковиќ бил уапсен по наредба на дежурен обвинител.
Тој изјави дека Шуковиќ е уапсен поради сомнение дека сторил кривично дело загрозување на безбедноста.
Од црногорската полиција потврдуваат дека Шуковиќ бил уапсен повеќе пати од 2010 година, меѓу другото и за кривично дело убиство во обид, откако во 2013 година со нож го ранил Г.М., инцидент кој се случил во Подгорица. Тој исто така бил уапсен за дрога, семејно насилство и за напади врз полицајци.